လေထုညစ်ညမ်းမှု ညွှန်ကိန်းအဖြစ် တိုင်းတာသော PSI ယူနစ်သည် စင်္ကာပူအချိန်
ကြာသပတေးနေ့ (ဇွန်လ ၂၀ ရက်) မွန်းလွဲ ၁ နာရီခန့်က 371တွင် ရှိနေကြောင်း
ပညာရှင်များကဆိုသည်။
မလေးရှားရှိ ဒေသအချို့တွင်လည်း အလားတူ အခြေအနေ ကြုံနေရသည်။ ကြာသပတေးနေ့ နံနက်ပိုင်းတွင် PSIအဆင့်ကို 122ဟု သတ်မှတ်ထားရာမှ မြင့်တက်လာခြင်း ဖြစ်သည်။ PSIအဆင့် 300သည် အလွန်အန္တရာယ်ကြီးသည့် လေထုညစ်ညမ်းမှုဟု ညွှန်ပြသည်။ စင်္ကာပူတွင် ဖုံးလွှမ်းနေသော မီးခိုးမြူများသည် ဗုဒ္ဓဟူးနေ့တွင် ဘေးမကင်းသည့် အဆင့်သို့ စတင်ရောက်ရှိလာသည်။ ယမန်နေ့ ညပိုင်းက စင်္ကာပူ လေထု၏ PSI ယူနစ်သည် ကြောက်ခမန်းလိလိ မြင့်တက်ကာ 321ထိ ရောက်ရှိခဲ့သေးသည်။ ယင်းအခြေအနေတွင် စင်္ကာပူနှင့် အင်ဒိုအစိုးရတို့သည် ပိုမိုဆိုးရွားလာနိုင်သော လေထုညစ်ညမ်းမှု အလားအလာအတွက် ဆွေးနွေးတိုင်ပင်ရန် ပြင်ဆင်နေကြောင်းလည်း သတင်းများက ဆိုသည်။
စင်္ကာပူရှိ လေကြောင်း သယ်ယူပို့ဆောင်ရေး တာဝန်ရှိသူများကလည်း လေထုမှုန်ဝါးမှု ပိုမို ဆိုးရွားလာမည်ကို စိုးရိမ်ကြောင်း ပြောကြားထားသည်။ စင်္ကာပူတွင် လေကြောင်း ထိန်းချုပ်မှု ဌာနသည် လေယာဉ် ခရီးစဉ်များ ပျံသန်းထွက်ခွာမှုကို ယခင်ကထက် အချိန်ခြား လုပ်ဆောင်ရန် ညွှန်ကြားနေရသည်။ စင်္ကာပူ ပြည်ထဲရေး ဝန်ကြီးဌာနကလည်း အိမ်အပြင်ဘက်တွင် ကာလရှည်ကြာ အလုပ်လုပ်ရသူများ အနေဖြင့် မျက်နှာဖုံးတပ်ရန် တိုက်တွန်းထားကြောင်း သိရှိရသည်။
.. www.MyanmarExpress.net
0 comments:
Post a Comment