ရှမ်းပြည်တပ်မတော် မြောက်ပိုင်း (SSA-N) နှင့် ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့ဝင်တချို့ မနက်ဖြန် လားရှိုးမြို့တွင် တွေ့ဆုံဆွေးနွေးကြမည် ဖြစ်ကြောင်း သတင်းရရှိသည်။ အဆိုပါ တွေ့ဆုံပွဲတွင် လတ်တလော ရှမ်းပြည်နယ်မြောက်ပိုင်း တန့်ယန်းမြို့နယ်နှင့် လားရှိုး မြို့နယ်တို့တွင် အစိုးရ စစ်တပ်နှင့် SSA-N တို့ ဖြစ်ပွားနေသည့် တိုက်ပွဲကိစ္စများကို အဓိကထား ဆွေးနွေးသွားမည်ဟု သိရသည်။ လတ်တလောတွင် တန့်ယန်းမြို့နယ်နှင့် လားရှိုးမြို့နယ်တို့၌ အစိုးရ စစ်တပ်က နယ်မြေ စိုးမိုးရေးအတွက် နေရာ ဖယ်ခိုင်းမှုကြောင့် နှစ်ဖက်တပ်များ တိုက်ပွဲများ ဖြစ်ပွားနေကြောင်းလည်း သိရသည်။ အစိုးရ နယ်မြေရှင်းလင်းရန် ပစ်မှတ်ထား တောင်းဆိုနေသော ယင်းနေရာများသည် SSA-N နှင့် ‘ဝ’ ပြည် သွေးစည်းညီညွတ်ရေး တပ်မတော် တို့၏ စစ်ရေး အရ နှစ်ဖက်မဟာမိတ် ဆက်ဆံရေး ပင်မလမ်းကြောင်း ဖြစ်သကဲ့သို့ ခနောက်စိမ်း၊ သစ်နှင့် တခြားဒေသ ထွက်ကုန်များကိုလည်း တရုတ်နိုင်ငံဘက်သို့ ကုန်သွယ်ကူးသန်းသည့် လမ်းကြောင်းလည်း ဖြစ်သည်။
ဧရာဝတီ
0 comments:
Post a Comment