(ဖေဖေါ်ဝါရီ ၁၂ ရက်က ပြုလုပ်ခဲ့သည့် မြောက်ကိုရီးယား၏ နျူကလီးယားဗုံး စမ်းသပ်ဖောက်ခွဲမှု ရုပ်သံသတင်းထုတ်လွှင့်နေစဉ်)
လတ်တလောတွင် မြောက်ကိုရီးယားသည် အမေရိကန်၊ တောင်ကိုရီးယားတို့နှင့် တင်းမာမှုများ မြင့်တက်လျှက် ရှိနေပြီး ယင်းအနေအထားတွင် နျူကလီးယား စမ်းသပ်သည့် နေရာ၌ အလုပ်သမားများ၊ စစ်သုံးမော်တော်ယာဉ်များ သွားလာလှုပ်ရှားမှု ထူထပ်လာခြင်း ဖြစ်သည်။ အဆိုပါ နေရာသည် နိုင်ငံ၏ အရှေ့မြောက်ဘက်ရှိ ပွန်ဂျီရီ နျူကလီးယား စမ်းသပ်သည့် ဒေသတွင်
တည်ရှိသည်။ "ဖြစ်ပျက်နေတဲ့ အခြေအနေတိုင်းကို ကျွန်တော်တို့ လေးလေးနက်နက် စောင့်ကြည့်နေ ပါတယ်။ လက်ရှိ အခြေအနေတွေက တတိယမြောက် နျူကလီးယားဗုံး စမ်းသပ်တုန်းကနဲ့ အရမ်းကို ဆင်တူနေတယ်"ဟု တောင်ကိုရီးယား အစိုးရ တာဝန်ရှိသူ တစ်ဦးက ပြောကြားခဲ့သည်။
(မြောက်ကိုရီးယား၏ နျူကလီးယားစမ်းသပ်မှု ပြုလုပ်သည့်နေရာ)
ကုလသမဂ္ဂသည် တတိယအကြိမ် နျူကလီးယား စမ်းသပ်မှု ပြုလုပ်ပြီးနောက် မြောက်ကိုရီးယားကို ပြင်းထန်သော တားဆီး ပိတ်ဆို့မှုများ ပြုလုပ်ထားသည်။ မြောက်ကိုရီးယား မိမိနိုင်ငံအတွင်းရှိ နိုင်ငံခြား သံရုံးများအား ဝန်ထမ်းများ ရွှေ့ပြောင်းရန် သတိပေးထားပြီး ဖေဖော်ဝါရီလ (၁၀)ရက်နေ့ နောက်ပိုင်းတွင် သံရုံးများ လုံခြုံရေးအတွက် မိမိတို့ အာမခံချက် ပေးတော့မည် မဟုတ်ကြောင်း ပြောဆိုထားသည်။
Source: BBC
0 comments:
Post a Comment