အဆိုပါ အဖွဲ့မှ လာရောက်ရှာဖွေသော အလင်းဝင်သွားသည့် တပ်ဖွဲ့ဝင်မှာ KIA ရင်း(၂၆)တွင် တာဝန် ထမ်းဆောင်ခဲ့သော တပ်ကြပ်အဆင့်ရှိ ကျော်ဆန်းဖြစ်ကြောင်း၊ ၎င်း၏ မိသားစုများအား တွေ့ရှိပါက ဖမ်းဆီး ခေါ်ဆောင်သွားမည်ဖြစ်ကြောင်း၊ ရွှေမှော်များတွင် အလုပ်လုပ်နေသည်ဟု သတင်းအတိအကျရထားသဖြင့် သတင်းမပေးဘဲ ထိန်ချန်ထားသော ရွှေမှော်များအား ပိတ်ပစ်မည်ဟု ခြိမ်းခြောက်ပြောဆိုသွားကြောင်း ရွှေမှော် လုပ်သားတစ်ဦးက ပြောပြသည်။
အဆိုပါအဖွဲ့သည် နေ့လည် ၃ နာရီခန့်တွင် ၎င်းရွှေမှော်အတွင်းမှ ပြန်လည်ထွက်ခွာသွားခဲ့ကြောင်း၊ ယင်းအဖွဲ့ကို ခေါင်းဆောင်လာသူမှာ တပ်မဟာ(၃) လက်အောက်ခံ ဖောက်ခွဲရေးအဖွဲ့မှ ရခိုင်လူမျိုး ဖြစ်ကြောင်း၊ အဆိုပါ ရခိုင်လူမျိုးအဖွဲ့သည် ဗန်းမော်-လဂျားယန်-မြစ်ကြီးနားလမ်းပေါ်ရှိ တံတားများ ဖောက်ခွဲ ဖျက်ဆီးရာတွင် ပါဝင်ခဲ့သူများဖြစ်ကြောင်း KIA အဖွဲ့အား နှစ်စဉ်ဆက်ကြေးပေးနေရသော အင်းတော်ကြီး ဒေသခံ ရွှေတူးဖော်ရေး လုပ်ငန်းရှင်များ၏ ပြောပြချက်အရ သိရှိရပါသည်။
နော်တူးအောင်
ကချင်နေ့စဉ်သတင်း
0 comments:
Post a Comment